Skip to main content

චාල්ස් ආවෙ මොකේද?

එංගලන්තයේ රජ පවුල ලෝකයේ ඉතාම ඉහළින් ගෞරවයට පාත්‍රවන රාජකීයයන්. පසුගියදා අවසන් වුන පොදු රාජ්‍ය මණ්ඩල සමුළුවේ ආරම්භය සනිටුහන් කිරීම සඳහා ශ්‍රී ලංකාවට එංගලන්තයේ මහ රැජිණ නියෝජනය කරමින් පැමිණ සිටියේ ඇයගේ පුත් චාල්ස් කුමාරයායි. අප දුටුවා ඔහු සහ පිරිවර පැමිණ සිටියේ අප මින් පෙර දැක නොමැති ගුවන් යානයකින්. සමහර විට ඔබ සිතන්න ඇති ඒ රජ පවුලටම අයත් ගුවන් යානයක් කියා.
නමුත් දැනට එංගලන්තයේ රාජකීයයන්ට අයත් ගුවන් යානයක් නැහැ. ඔවුන් භාවිතා කරන්නේ ද එක්සත් රාජධානියේ ජාතික ගුවන් සේවය වන “බ්‍රිටිෂ් එයාර් වේස්“ හෝ රාජකීය ගුවන් හමුදාවේ යානා. සමහර අවස්ථාවල පෞද්ගලික ගුවන් යානා (ව්‍යාපාරික ජෙට්) සමාගම් වලිනුත් ඔවුන් යානා කුලියට ගැනීම සිදු වෙනවා.
මෙවර ශ්‍රී ලංකාවේ පැවති පොදු රාජ්‍ය මණ්ඩල සමුළුවට එක්සත් රාජධානියේ ඔටුන්න හිමි චාල්ස් කුමරු පැමිණියේ ලුටන් ගුවන් තොටුපල කේන්ද්‍ර කර ගනිමින් ව්‍යාපාරික කටයුතු සිදු කරන “ට්වින්ජෙට් ඒවියේෂන්“ පුද්ගලික ගුවන් සමාගමට අයත් සුවිශේෂී එයාර් බස් 319 වර්ගයේ ගුවන් යානයකින්. මෙම යානා වර්ගය එයාර් බස් ගුවන් සමාගමේ Airbus Corporate Jet (ACJ) නැමති අංශයේ නිෂ්පාදනයක්. එයාර්බස් සමාගම විශේෂයෙන් ව්‍යාපාරික ගුවන් යානා සඳහා පාරිභෝගික අවශ්‍යතා අනුව ගුවන් යානා නිෂ්පාදනය සිදු කරනවා.

TWINJET AVIATION

1982 දී පමණ ආරම්භ කර ඇති මෙම ගුවන් සමාගම එක්සත් රාජධානියේ සිවිල් ගුවන් සේවා අධිකාරියේ “ඒ“ ශ්‍රේණියේ සහතිකයක් හිමිකර ගෙන තිබෙනවා. ‘බ්‍රිටිෂ් එයාර් වේස්‘ සමාගමට මෙන්ම ඔවුන්ටත් මෙහෙයුම් කිරිමට මෙමගින් හැකියාව ලැබී තිබෙනවා. එක්සත් රාජධානියේ විශාලම පුද්ගලික ගුවන් යානා වර්ගය ඔවුන් සතු වෙනවා. එය ACJ319 වර්ගයට අයත්.

චාර්ල්ස් කුමාරයා මෙවර භාවිතා කළ ගුවන් යානය

ඉහතින් සඳහන් කළ පරිදිම චාර්ල්ස් කුමාරයා මෙවර භාවිතා කලේ “ටිවින්ජෙට් ඒයියේෂන්“ සමාගමට අයත් ACJ319 වර්ගයේ යානයයි. එහි මගීන් 34 කට පළමු පන්තියේ ආසන පැනවීම සිදු කළ හැකියි. ඒ වගේම එහි සෙටි සහිත කාමර දෙකක් වෙන් වශයෙන් පිහිටා තිබෙනවා.
පහත දැක්වෙන්නේ එහි ඇතුලත සැළසුමයි.
image
මෙහි තිබෙන මෙම සෙටි දිගු ගුවන් ගමනක දී ඇඳන් ලෙස සකස් කළ හැකියි. මෙම යානය පැය 10 නොනවත්වා ධාවනය කළ හැකියි
පහත දැක්වෙන්නෙ එම යානයේ පිටත දර්ශණයක්.
image
මේ ඇතුලත එක් කාමරයක දර්ශණයක්
image
image
මේ දැක්වෙන්නේ පළමු පන්තියේ සාමාන්‍ය මගී ආසන
image
මේ තියෙන්නෙ එක් කාමරයක් සෙටියක් ඇඳක් ලෙස පරිවර්තනය කිරීමෙන් පසු දරිශනයක්.
image
මෙම ගුවන් යානයේ තාක්ෂණික ලක්ෂණ කීපයක් පහත පරිදි දක්වන්න පුළුවන්.

දිග 33.84 m
බඳෙහි දිග 3.95 m
පියාපත් පරාසය 35.80 m
උස 11.76 m
මෙහෙයුම් පරාසය 11,100 km
ගුවන් ගතවීමට ධාවනය විය යතු දුර 1,850 m
ගොඩබෑමකදී ධාවනය වන දුර 1,360 m
උපරිම වේගය නාවික සැතපුම් 546
මෙහෙයුම් කළ හැකි උස 12,500 m
කෙසේ වෙතත් රාජකීයයන් තමන් ගුවන් ගමන් සඳහා ඉතා ඉහළ මුදලක් වැය කරන බව නම් විවාදයට ලක් වෙමින් නිතර කථාබහට ලක්වන කාරණයක්.













Comments

  1. ම්...ෙමානා උනත් ෙලාක්කෙග් නිහතමානි කමක් නම් තිෙයනවා කියලා හිෙතනවා...එංගලන්තය එයාලාට වියදම් කලත් කමක් නැහැ ෙන්ද. ෙමාකද එංගලන්තට තිෙයන කීර්තිය ෙත්ජස එයාලට ලබා දීලා තිෙයන්ෙන් චාල්ස් කුමාරයාෙග් පරම්පරාෙව් අය ෙන්. ඔය පරම්පරාව ඉවර උෙනාත් මට හිෙතන හැටියට ඔය දැනට එංගලන්තයට තිෙයන පිලිගැණීම ෙගෟරව බහුමාණය ටිකක් අඩුෙවයි...ෙමාකද කියන්ෙන් ?

    ReplyDelete
  2. ස්තුතියි විස්තරයට

    ReplyDelete
  3. කරුණු කාරණා වලට ස්තූතියි. කොහොම උනත් රජ පවුලට මෙච්චර වත් වියදම් කරන එකට බොහෝ බ්‍රිතාන්‍ය අය කැමති නෑ. නිකන් බොරුවට රජ පවුලක් නඩත්තු කරන එකේ තේරුමක් තියෙනවද ?

    ReplyDelete
  4. කාලෙට ගැලපෙන ලිපියක්....... දෙන්නෙක් තුන්දෙනෙක්ට එන්න සැප පහසු පොඩි ප්ලෙන් නැද්ද? යානාව පොඩි වෙන්න පොඩි වෙන්න ඒකේ තියෙන ආරක්ෂා කාරි ගතිය අඩුවෙලා යනවද?

    ReplyDelete
    Replies
    1. අපෝ පුළුවන්
      පුංචි පවුල් වලට යන්නත් පොඩි ගුවන් යානා තියෙනවා.
      නිවැරදිව නඩත්තු කරනවානම් සහ නිවැරදි තත්ව යටතේ පියාසර කරනවානම් ලොකු කුඩා කියලා නෑ ආරක්ෂාවක් තියෙනවා.

      Delete
    2. @බුද්ධි,
      අඩේ උඹත් එකක් ගන්නට යන්නෙ. :D

      Delete
  5. නියම තොරතුරු ටිකක්. මේව දැකල ලංකාවටත් එකක් ඕන වෙයිද දන්නෑ.

    ReplyDelete

Post a Comment

මොනවා හරි ලියලා ගියොත් හැදෙන්න පුළුවන්....

Popular posts from this blog

“ෆෙඩෙක්ස්“ හි ජීවිත සටන “ - ෆෙඩෙක්ස්“ 705 ගුවන් යානයේ බිහිසුණ සටන -- අවසන් කොටස

 1 කොටස 2 කොටස 3 කොටස මෙම්පිස් වලට ආසන්නයේ දී යානය පහතට එමින් තිබිණ. මේ අවස්ථාවේ දී කැලෝවේ යළිත් හදිසි ශක්තියක් ගෙන නැගී සිටියේය. ඔහු ව යට කරගෙන සිටි මිනිසුන් ඒ මේ අත විසි කරන්නට විය. ඔවුන් ද උත්සාහය අත හැරියේ නැත. කැලෝවේ විසින් ජිම් ටකර් ගේ ඇස එළියට ගැනීමට උත්සාය කරමින් සිටියේය. ඇන්ඩි පීටර්සන් ඒ අවස්ථාවේ දී යානයේ තට්ටුව මත වැටී ඇති මිටියක් ජිම් ටකර් ට ඇසෙන් පෙන් වන ලදී.    “ඔයා මූට ගහන්න ඒකෙන්“  ටකර් කෑ ගසන විටම පීටර්සන් එම මිටිය ගෙන කැලෝවේට පහර දුන්නේය.  අංක 705 දරණ ගුවන් යානය මෙම්පිස් ගුවන් තොටුපලේ අංක 36 දරණ ධාවන පථයට ඉතා තද ගොඩ බැස්සවීමක් සිදු කළේ එයින්ම පිටත් වී පැය භාගයකට පසුවය. ඉන්ධන වල අධික බරක් තිබුණ ද යානය ගුවන් ධාවන පථයේ නවතා ගැනීමට කපිතාන් සෑන්ඩර්ස් සමත් විය. ඒ සමගම ආධාරක කණ්ඩායම් යානය වටකර ගත්හ. ඒ සමගම ඔහු   නියමු කුටියේ හදිසි දොරටුවෙන් පිටතට පැමිණියේය.  මුලින් යානයේ හිණිමග දිගේ දොරටුව වෙත ළඟා වූයේ වෛද්‍ය සේවකයෙකු වූ ඩේවිඩ් ටීග් ( David Teague ) ය. බිම සිටි කිසිම කෙනෙක් සිදු වූ සිද්ධියක් දැන සිට...

සේපාල ඒකනායක - Sepala Ekanayake

ඔබ සමහර විට අහලා ඇති සේපාල ඒකනායක ගැන. හරියටම අදට අවුරුදු 28 ට පෙර එනම් 1982 ජූනි මාසේ 30 වෙනිදා සිවිල් ගුවන් යානයක් ගුවනේ දී පැහැර ගැනීම නිසා ඔහු ප්‍රසිද්ධ වුණා. මේ සිද්ධිය ලාංකීය ගුවන් ඉතිහාසයේ සිදු වුණේ පළමු වතාවට. ඒ වගේම අද වන තුරු ශ්‍රී ලාංකිකයෙක් අතින් එවන් දෙයක් සිදු වී නැහැ. අද දිනය මේ සම්බන්ධයෙන් විශේෂත්වයක් තිබෙන නිසා මා කැමතියි මේ ගැන ලියන්න. සේපාල ඒකනායක ඉපදුණේ 1949 ජූනි මාසේ 03 වෙනි දා දිනයක මාතර දිස්ත්‍රික්කයේ කරතොට කියන ගමේ. පාසැල් ගියේ හම්බන්තොට යෝධ කණ්ඩිය විද්‍යාලයට.  අවුරුදු 15 දි විතර නිවසින් වෙන් වන ඔහු කොළඹ ට පැමිණෙනවා. ඉන්පසු 1972 ඔහු ජර්මනියට පැමිණෙනවා. එහිදී ඔහුට ඇනා ඇල්ද්‍රොවන්දි නැමති ඉතාලි සුරූපිණිය හමු වෙනවා. පසුව ඔවුන් දෙදෙනා විවාහ වී ඉතාලියේ මොඩෙනා පෙදෙසේ පදිංචි වෙනවා. ඒ 1980 දී. එහිදී ඉපදෙන පුතාට ඔවුන් “ෆ්‍රී ඒකනායක“ නමින් නම් තබනවා. මෙහිදී සේපාලගේ වීසා එක නැති වෙන අතර ඉතාලියේ දී වීසා ඉල්ලු විට ශ්‍රී ලංකාවට පැමිණ වීසා ලබා ගන්නා ලෙස ඔවුන් පවසනවා. ඒ අනුව ඔහු ලංකාවට පැමිණ වීසා අයදුම් කරනු ලැබූ මුත් වසර හයක් ඒ සදහා බලා සිටින ලෙස ඔහුට දැනුම් දෙනවා. ඔ...

ගුවන් තොටුපළේ යන්නෙ මෙහෙමයි

අදට වසරයි කියන‍ පෝස්ට් එකට සංජු දාලා තිබ්බ කමෙන්ට් එකට ප්‍රතිචාරයක් විධියට මේ පෝස්ට් එක දාන්න හිතං හිටියත් දවසෙන් දවස ඒක කල් ගියා. අද ටිකක් වෙලාව අරන් කොහොම හරි මේක ලියන්න ඕනා. දැන් අපි හිතමු යම් පුද්ගලයෙක් විදේශ ගත වෙනවා කියලා. මුලින්ම මේ පුද්ගලයා කරන්න ඕනෙ ගුවන් ප්‍රවේශ පතක් ලබා ගැනීම සහ අදාළ රටට වීසා ලබා ගැනීම.  මේ ගුවන් ටිකට් පත් ලබා ගැනීම පිලිබඳව මම කලින් දාපු ගුවන් ටිකට්පතක් ලබා ගැනීමේ දී ඔබ දැන ගත යුතු කරුණු කියන පෝස්ට් එක බලන්න. ඒ වගේම යාමට නියමිත රටට වීසා ලබා ගැනීමත් සිදු කළ යුතුයි. මේ සඳහා සුදුසුම දේ ගුවන් ටිකටිපත් ලබා ගන්නා ස්ථානයෙන්ම ඒ විස්තර ලබා ගන්න එක. දැන් අපි හිතමු ගුවන් ටිකට් පත ලබා ගැනීමත් වීසා ලබා ගැනීමත් සිදු කර ුවසානයි කියලා. ඉන් පසුව තිබෙන්නේ ගුවන් ගමන පිටත් වීමට ගුවන් තොටුපළට යාමටයි. මෙහිදී ගුවන් ටිකට් පතේ සඳහන් වන පිටත් වන වේලාවට අවම වශයෙන් පැය 3ට වත් කලින් ගුවන් තොටුපළේ පිටත් වීමේ පර්යන්තයට පැමිණ සිටිය යුතුයි. ගුවන් තොටුපලට ඇතුල් වන විට පළමුවෙන්ම හමු වන්නේ පිටත්වීමේ පර්යන්තයයි. ගුවන් ගත වීමේදී ගෙන යන භාණ්ඩ ද සමග මේ පර්යන්තයට ඇතුළු විය යුතු අතර තමා සමග පැ...