“ගුවන්සර“ වෙබ් අඩවිය අද දියත් කෙරේ!

මෙතෙක් කාලයක් ගුවන් සේවා ක්ෂේත්‍රය පිළිබඳව සිංහල භාෂාවෙන් තොරතුරු සොයා බැලීමට මාධ්‍යක් නොතීබු අතර ඒ අඩුව පුරවාලමින් “ගුවන්සර“ සඟරාව එළි දැක්වීමට හැකියාව ලැබුණා. එයට ඉමහත් ප්‍රතිචාර ලැබුණ අතර එය පාසැල් දරුවන් අතර ඉතා ජනප්‍රිය විය. මීට සමගාමීව පාසැල් වල ගුවන් සේවා සමාජ පිහිටු වීමටද කටයුතු කළ අතර එය ද වඩාත් ජනප්‍රිය විය.

මේ සේවය දැන් වඩාත් ඉහළ අඩියකට ගෙන එමින් තොරතුරු තාක්ෂණය ද එයට එකතු කිරීමට අප උත්සහ ගෙන තිබෙනවා. එනම් “ගුවන්සර“ නමින් වෙබ් අඩවියක් දියත් කිරීමට සියළු කටයුතු සූදානම් කර තිබෙනවා.

එම වෙබ් අඩවිය අද (2011 පෙබරවාරි 23 දින) උදෑසන 11.00 ට කොළඹ ග්‍රෑන්ඩ් ඔරියන්ට් හෝටලයේ පැවැත්වෙන උත්සවයකදී ගුවන් සේවා ගරු අමාත්‍ය ප්‍රියන්කර ජයරත්න මැතිතුමා විසින් දියත් කරනු ඇත.

මේ වෙබ් අඩවියෙන් ගුවන් සේවා පිළිබඳ සියළු තොරතුරු, ඉතිහාසය, නව සොයා ගැනීම් ආදී සියලු දේ ද ලබා ගත හැකියි. ඒ වගේම ඉදිරියේදී මේ අඩවියට නව අංග එකතු කිරීමටත් නියමිතයි.

වෙබ් අඩවියට පහත ලිපිනයෙන් පිවිසිය හැකියි. මේ අඩවිය තවමත් ළදරු අවිධියේ පවතින්නෙ. ඔබගේ අදහසුත් රැගෙන මෙය වඩා හරවත් සහ ක්‍රමවත් ආකාරයෙන් සංවර්ධනය කිරීමටයි අපේ අදහස.

www.si.guwansara.lk

මෙය සිංහල හා ඉංග්‍රීසි භාෂා මාධ්‍යන්ගෙන් දැනට ප්‍රකාශයට පත් වන අතර ඉදිරියෙදී දෙමළ භාෂාවත් එහි ඇතුළත් වේවි. ඒ වගේම මේක සිංහල යුනිකෝඩ් භාවිතයෙන් සහ වර්ඩ්ප්‍රෙස් මෘදුකාංගය භාවිතයෙන් සකස් කර තිබෙනවා. එයත් සිංහල යුනිකෝඩ් භාවිතා කරන්නන්ට සුභ ආරංචියක් වේවි.

image

ඔබටත් ආරාධනා කරනවා මේ අඩවියට පිවීසී නව දැනුම ලබා ගන්නා ලෙසත් එහි ඔබගේ අදහස් සටහන් කරන ලෙසත්.

ටිකට් නැතිව වීසා නැතිව ප්ලේන් එකේ යන්න එන්න

මෙහෙම කිව්වම හිතනව ඇති පිස්සු තද වෙලා ඇති කියලා. නෑ ඇත්තටම මේක පොඩි ආරාධනාවක්. ඔය කට්ටිය දන්නවානේ මේ සැරේ දැයට කිරුළ ප්‍රදර්ශණය තියෙන්නෙ බුත්තල. ඒකෙ තියෙනවා අපේ ප්‍රදර්ශන කුටියක්. ඒ කියන්නෙ සිවිල් ගුවන් සේවා අධිකාරියේ ප්‍රදර්ශණ කුටිය.

මේ සැරේ අපි කල්පනා කළා ඔබට නවමු අත්දැකීමක් දෙන්න. මේ වෙනුවෙන් අපි විශේෂ ප්‍රදර්ශණ කුටියක් සකස් කළා. ඇත්තටම මේක ගුවන් යානයක්. සාමාන්‍ය ගුවන් යානයක දකින්න පුළුවන් හැම දෙයක්ම මේකෙ තියෙනවා. මේ ගුවන් යානය සිවිල් ගුවන් සේවා අධිකාරියට ත්‍යාගයක් විධියට ලැබුණු දෙයක් පෞද්ගලික  ආයතනයකින්. එය අපි යොදා ගන්නෙ ගුවන් සේවා ගැන සාමාන්‍ය ජනතාවට අවබෝධයක් දෙන්න. එය කලක් ගුවන් ගත වූ යානයක් දැනට නම් ප්‍රෙයා්ඩානයක් ගන්න බැහැ. ඒ කියන්නෙ පියාසර කරන්න බැහැ. ඉතින් අපි ඒක දැන් සකස් කරලා තියෙනවා අධ්‍යාපන කටයුතු සදහා.

IMG_1482 

මේ ගුවන් යානය රත්මලාන ගුවන් තොටුපළේ සිට බුත්තල දක්වා ගුවන් හමුදාවෙ ප්‍රයිම් මුවර් රථ මගින් කැබලි වශයෙන් ප්‍රවාහනය කරනු ලැබ යළි එහි ප්‍රතිනිර්මාණය කරනු ලැබුවා. එය සම්පූර්ණයෙන් තීන්ත ආලේප කර ස්ටිකර් අලවා ආසන සවි කර ඇතුළත අනෙකුත් උපකරණ සවි කරනු ලැබ ඇත.

ගුවන් යානයට ගොඩ වීමට යන අතර තුර ගුවන් තොටුපළට යන ආකාරය පිළිබඳ හැඳින්වීමක් සිදුකරනු ලබන අතර ඉන්පසු යානය ඇතුළතදී ගුවන් යානය මත්තල ගුවන් තොටුපලෙන් ගුවන් ගත වී වරාය, ලුණු ලේවාය, කතරගම ආදී පුදේශ හරහා ගුවනින් ගමන් කර  යලී ගුවන් තොටුපලට ගොඩබෑම දැක ගත හැකිය.ඇත්තටම කියනවනම් එය දැනේවි.

IMG_1486

මේ දේට අප සියළු දෙනාම මාස දෙකක් පුරාවට දිවා රාත්‍රී වෙහෙස මහන්සි වී කටයුතු කරනු ලැබූවා. ඉතින් අපි හිතනවා අපිට හැකි වේවි එය බලන්න එන ඔබට යම් දැනුමක් සහ නවමු අත්දැකීමක් ලබා දිය හැකි වේවි කියලා.

අපේ මේ ගුවන් යනය තිබෙන්නෙ නාවික හමුදාවේ ප්‍රදර්ශණ කුටිය අසලමයි.

ඉතිං ඔබ සියළු දෙනාටම ආරාධනා කරනවා එන්න මේ අත් දැකීම විඳ ගන්න. නව දැනුමක් ලබා ගන්න. ඒ වගේම අප සූදානම් ගුවන් සේවා ගැන ඔබට තිබෙන ගැටළු නිරාකරණය කර දෙන්නත්. ඇවිත් අපිව හමු වන්න.

IMG_1485

පෙබරවාරි 4 සිට 6 දක්වා කාලයේ දී මමත් මේ ස්ථානයේ සිටිනවා.

මා යලීත් ඔබට ඇරයුම් කරනවා අපේ ප්‍රදර්ශණ කුටියටත් එන්න කියා.