Airbus A350 XWB–( අවසන් කොටස)

 

පළමු ලිපිය බලන්න

දෙවන ලිපිය බලන්න

තෙවන ලිපිය බලන්න

විවිධ සංස්කරණ Variants

එයාර්බස් 350 ගුවන් යානය A350 -800, A350-900 සහ A350-1000 යනුවෙන් වර්ග තුනකින් හඳුන්වා දීමට නියමිත අතර A350 -800 වර්ගය මේ වර්ෂයේ මැද භාගයේ දී පමණ දියත් කිරීමට නියමිතය.

A350-800

A350-800 වර්ගයේ යානයේ පන්ති 3 නේ සැළසුම අනුව මගී ආසන 270 ක් සවි කළ හැකි අතර එක් පෙළකට ආසන 9 වන ආකරයට මෙම ආසන සකස් කළ හැක. එක් වරකදී මෙම යානයට කිලෝ මීටර් 15400 ක් ගමන් කළ හැක. යානය දිගින් මීටර් 60.5 ක් පමණ වන අතර ගුවන් ගත වීමට හැකි උපරිම බර ටොන් 248 ක් පමණ වේ. එන්ජින් දෙකකින් සමන්විත යානයකි.

A350-900

A350-900 වර්ගයේ යානයේ පන්ති 3 නේ සැළසුම අනුව මගී ආසන 314 ක් සවි කළ හැකි අතර එක් පෙළකට ආසන 9 වන ආකරයට මෙම ආසන සකස් කළ හැක. එක් වරකදී මෙම යානයට කිලෝ මීටර් 15000 ක් ගමන් කළ හැක. නමුත් මෙහි තවත් සංස්කරණ වලදී ගමන් කළ හැකි උපරිම දුර කිලෝමීටර් 17000 ක් පමණ ප්‍රමාණයකට වැඩි කිරීමට යෝජනා කර ඇත. යානය දිගින් මීටර් 66.8 ක් පමණ වේ. එන්ජින් දෙකකින් සමන්විත යානයකි.

 

A350-1000

A350-1000 වර්ගයේ යානයේ පන්ති 3 නේ සැළසුම අනුව මගී ආසන 350 ක් සවි කළ හැකි අතර එක් පෙළකට ආසන 9 වන ආකරයට මෙම ආසන සකස් කළ හැක. එක් වරකදී මෙම යානයට කිලෝ මීටර් 15600 ක් ගමන් කළ හැක. නමුත් මෙහි තවත් සංස්කරණ වලදී ගමන් කළ හැකි උපරිම දුර කිලෝමීටර් 17000 ක් පමණ ප්‍රමාණයකට වැඩි කිරීමට යෝජනා කර ඇත. යානය දිගින් මීටර් 73.8 ක් පමණ වේ. එන්ජින් දෙකකින් සමන්විත යානයක් වන අතර මෙම වර්ගයේ විශාලතම යානයයි. අනෙක් වර්ග දෙකට වඩා පියාපතේ වර්ගපලය වැඩි අතර එමගින් වැඩි එසවුම් ධාරිතාවක් ලබා ගත හැකිය.

 

මෙහි සඳහන් තොරතුරු මෙම යානය සැකිසීමට පෙර සහ පළමු යානය සැකසීමෙන් පසු එම නිෂ්පාදකයා විසින් දක්වන ලද තොරතුරු වේ. නමුත් මේ සියළු යානා සකසා අවසන් වීමෙන් පසු මෙහි සඳහන් තොරතුරු මීට වඩා වෙනස් වීමට ඉඩ ඇත.

නිමි