සරුංගලය කියන්නේ අපි කුඩා කාලයේ භාවිතා කළ සමහර විට අදත් භාවිතා කරන විනෝදාත්මක උපකරණයක්. මේ සරුංගලය අපි හිතනවා ට වඩා ඉතිහාසයක් තිබෙන දෙයක්. මීට වසර 3000 ට විතර ඉස්සර චීනයේ විවිධ කටයුතු විශේෂයෙන් යුධ කටයුතු සඳහා සරුංගල් භාවිතා කර තිබෙනවා. සමහර විට කාළගුණ කටයුතු සඳහාත් එදා මෙන්ම අදත් භාවිතා වෙනවා.
සරුංගලය සරල නිර්මාණයක් වුණාට එය පිටුපස තිබෙන්නෙ ගුවන් යානයක් ඉහළ යන භෞතික විද්‍යාත්මක සිද්ධාන්තයමයි. එනම් පීඩන වෙනස තමයි ඉහළ යාමට භාවිතා කරන්නෙ.
සිවිල් ගුවන් සේවා අධිකාරියේ සිවිල් ගුවන් සේවා සංවර්ධන සහ අධ්‍යාපන කමිටුව ගුවන් සේවා දැනුම පාසැල් දරුවන් අතර ව්‍යාප්ත කිරීමේ වැඩසටහනේ එක් අදියරක් ලෙස හඳුනා ගනු ලැබුවා සරුංගලය වැනි සරළ උපකරණයක් මගින් පාසැල් දරුවන්ට ගුවන් සේවා දැනුම ලබා දීමට. මේ අනුව පසුගිය දිනක එම කමිටුව විසින් පුත්තලම අධ්‍යාපන කලාපයේ උසස් පෙළ පාසල් වල පිහිටුවන ලද ගුවන් සේවා සමාජ අතර සරුංගල් තරඟයක් පැවැත්වීමට කටයුතු යෙදුවා.
මෙම තරඟයේ අරමුණ වුණේ ගුවන් සේවා දැනුම සරළ ආකාරයෙන් විනෝදාත්මකව පාසැල් ළමනු අතර ව්‍යාප්ත කිරීම. ඒ අනුව මූලිකවම ගුවන් සරුංගලය පිළිබඳවත් එහි තාක්ෂණික පසුබිම හා ඉතිහාසය පිළිබදවත් පාසැල් සිසුන් දැනුවත් කිරීම සැප්තැම්බර් 15 දින පුත්තලම නගර සභා ශාලාවේ දී සිදු වුණා. ඉන්පසුව ඔවුන් වර්ග කර කාණ්ඩ දෙකක් යටතේ සරුංගල් තරග පැවැත්වීමට කටයුතු යෙදුවා. එක් පාසැලකට උපරිම සරුංගල් 4 ක් ඉදිරිපත් කිරීමට අවස්ථාව දුන්නා.
මේ සම්බන්ධයෙන් ඉතා ඉහළ උනන්දුවක් මෙම සිසුන් අතර පැවතියා. තරඟය පසුගිය 26 වන දින පුත්තලම නගර සභා පිටියේදී පැවැත්වුණා. පාසැල් 19 කින් කණ්ඩායම් 75 ක් සරුංගල් ඉදිරිපත් කර තිබුණා.
මේ සරුංගල් වල නිර්මාණශීලීත්වයටත් තාක්ෂණික අතින් ඉහළ වීමටත් කණ්ඩායම් හැඟීමටත් ආදී බොහෝ දේට ලකුණු ලබා දීම සිදු වුණා. සිසුන් අතර ඉතා විශාල උනන්දුවක් මේ සඳහා තිබුණ බව පෙනී ගියේ ඔවුන් ඉදිරිපත් කළ සරුංගල් වල ස්වභාවය අනුව.
මේ තියෙන්නෙ ඒ අවස්ථාවෙ ඡායාරූප කීපයක්.
එදින පුත්තලම නගර සභා පිටියේ ඉහළ අහස සරුංගල් වලින් පිරී තිබුණා. අලංකාර දර්ශණයක් මැවිලා තිබුණා. සිසුන් අතර ඉතා විශාල උද්යෝගයක් තිබුණ බව හොඳින්ම පැහැදිලි වුණා.
මේ තරගයට ඉදිරිපත් වුණ සරුංගල් ඇගයීමට ලක් කර ප්‍රථම දෙවන සහ තෙවන ස්ථාන තෝරා ගනු ලැබූවා. මේ පහළ තියෙන්නෙ ඒ ස්ථාන හිමිකර ගත් පාසැල්.
පළමු කාණ්ඩය – 6 ශ්‍රේණියේ සිට 9 ශ්‍රේණිය දක්වා
1. තලවිල ශාන්ත ආනා මහා විද්‍යාලය
ඩබ්ලිව්. ඒ. නිමේෂ් – කණ්ඩායම් නායකජේ. ඒ. ඩී. එස්. මධුශංකඉසුරු මධුශංකජේ. ඒ. ඩී. ඒ. දියලුමඩී. එස්. ප්‍රසංග
2.මාම්පූරිය රෝමානු කතෝලික මහා විද්‍යාලය
තිලිණ පැතුම් – කණ්ඩායම් නායකනිමේෂ් මධුශංකනිමේෂ් රත්නග්රේෂන් චතුරංගනිරන්ජන් වර්ණකුලසූරිය
3. මදුරන්කුලිය ආදර්ශ විද්‍යාලය
එම්. ටී. චතුර මධුෂාන් – කණ්ඩායම් නායකඩබ්ලිව්. සුපුන් දිල්හාරඩබ්ලිව්. ඒ. දිල්ෂාන් සුලක්ෂණඑච්. ඩී. ගයාෂාන් පූර්ණකේ. ඩී. චමිත් අසංක
දෙවන කාණ්ඩය - 10 ශ්‍රේණියේ සිට 12 ශ්‍රේණිය දක්වා
1. පාලියාගම සාරිපුත්ත මහා විද්‍යාලය
දිනේෂ් මධුශංක – කණ්ඩායම් නායකඅසේල පණ්ඩුකඋමේෂ් මිලින්දවී. ඒ. ජයසූරිය
2. බණ්ඩාරනායකපුර ආදර්ශ විද්‍යාලය
ශානක නුවන් කුමාර – කණ්ඩායම් නායකඑච්. දිල්ශාන්පී. රොෂාන්ජනිත් මධුශාන්ඩබ්ලිව් දිවිල් ෂිරාන්
3. මූන්දලම සිංහල මහා විද්‍යාලය
මහීෂ විදේශ් – කණ්ඩායම් නායකසුරංග ප්රසාද්අවිශ්ක ඉඳුනිල්අන්ජුල මලිත්ෂෙහාන් සන්දීප
මීට අමතරව සිවිල් ගුවන් සේවාව හා සරුංගලය අතර සම්බන්ධතාව මැයෙන් රචනා තරඟයක් ද පැවැත්වීමට කටයුතු යෙදුවා.
මේ සියළු දෙනාටම වටිනා ත්‍යාග පිරිනැමීමට කටයුතු යොදා තිබූ අතර ඒ සිසුන්ගේ සතුට අපේ සතුටත් වුණා.
ඉතාමත් අගය කලයුතු වැඩසටහනක්...සරුංගල් යවන්න අපි කවුරුත් කැමතියි.... තවමත් ගමේ ගියාම අගෝස්තු සැප්තැම්බර් කාලවලදී පොඩි අය සරුංගල අරින දිහා කට ඇරගෙන බලාගෙන ඉන්න දිල් කැමතියි....
ReplyDeleteවිනෝදයට සරුංගල හදන අතර තුර මේ වගේ වැඩසටහනක් එක්ක දරුවන්ව දිරි ගන්වන එක අගය කල යුතුයි....අපේ අහසට ජය....!
අගය කළ යුතු වැඩක්දත් කියලා අහනවා. සරුංගලේ කියන්නෙ ඒකාලේ අපේ වැඩකාර කම පෙන්වන්න තියෙන එකම සෙල්ලම් බඩුව නේ.
ReplyDeleteඋඹ යද්දි අපිටත් කියන්නඩයි තිබුනෙ. පුත්තලම් පැත්තෙ රවුමක් දාලා යන්ඩ කැමරා කට්ටත් උස්සං අපිත් එනවනෙ එහෙනම්.....
@දිල්
ReplyDeleteස්තුතියි. අපි කවුරුත් ආසයි සරුංගල් යවන්න. මමත් සෑහෙන කාලෙකින් සරුංගලයක් යැව්වෙ.
@බුද්ධි.
මම දන්න විධියට අපි උඹේ වැයික්කිය පහුකරන් යන්න ඇත්තෙ. මට සුට්ටක් ක්ලික් වුණා නම් කියනවා. තව තියෙනවා. කියන්නම් ඒවා. අපිත් එක්කම යන්න පුළුවන්.